Մեր մասին
Մեր պատմությունը՝ սկզբից
CityBugs հարթակի գաղափարը ձևավորվել է Hackathon Yerevan 2011-ի ընթացքում։ Մասնակցելով այս մրցույթին՝ X-Tech ընկերության թիմը ներկայացրեց CityBugs-ի գաղափարը, որը հաղթեց լավագույն սոցիալական Startup նախագիծ անվանակարգում։ Իսկ 2012 թվականին արդեն պաշտոնապես գործարկվեց CityBugs․am կայքը «Եվրասիա համագործակցության հիմնադրամ»-ի ֆինանսական աջակցությամբ: Գաղափարը հետևյալն է․ քաղաքը համակարգ է, իսկ առկա բոլոր խնդիրները՝ bug-եր։ Ծրագրավորման մեջ bug է կոչում ցանկացած խնդիր, սխալ, բացթողում, որը խոչընդոտում է համակարգի բնականոն աշխատանքը: Իսկ ինչպե՞ս ֆիքսել բոլոր bug-երը։ Ցանկացած քաղաքային իշխանություն կարող է օպերատիվ կերպով արձագանքել խնդիրներին, եթե դրանց մասին տեղեկացնեն բնակիչները։ Բնակիչն է, որ գիտի, թե ինչն է իրեն խանգարում և ունի լուծման կարիք։ Ֆիքսելուց բացի bug-երի հեղինակները պետք է կարողանան հետևել ընթացքին և տեսնել, թե ինչպես են դրանք լուծվում։
Հեշտ օգտագործելի
Bug ավելացնել կարող են բոլորը։ Միջինում դա տևում է 1 րոպե։ Անհրաժեշտ է ավելացնել նկարներ, վերնագիր, ընտրել կատեգորիա և տեղանք։ Համակարգը հասանելի է ինչպես iOS և Android, այնպես էլ վեբ տարբերակով։
Սոցիալական և բազմակողմանի
Համակարգը ծառայում է ինչպես քաղաքացիներին՝ ֆիքսելու իրենց անհանգստացնող խնդիրները, այնպես էլ քաղաքային իշխանություններին՝ կազմակերպելու աշխատանքներն առավել արդյունավետ կերպով։
Թափանցիկ և մասնակցային
Քաղաքացիները տեսնում են, թե ինչ ընթացքով են լուծվում խնդիրները և զգում իրենց ներդրումն ընդհանուր գործընթացում։ Սրանով ապահովվում է կառավարման մասնակցային մոտեցումը։
Բարձրացված խնդիր
Լուծված bug
Մրցանակ
Գրանցված օգտատեր
Մեր թիմը
Գաղափարի սկզբնավորման փուլում թիմում ներգրավված էին 4 մասնագետ։ Սակայն, CityBugs թիմը մշտապես համալրվում է պրոֆեսիոնալ և բարձր որակավորում ունեցող մասնագետներով։
Մրցանակներ
Սկսած 2012․-ից CityBugs-ն հաղթել է տարբեր միջազգային և տեղական մրցույթներում՝ ստանալով հատուկ մրցանակներ։
